Сектор за природа

Спроведува заштита на природата преку заштита на биолошката и пределската разновидност и заштита на природното наследство во заштитени подрачја и надвор од заштитени подрачја, како и заштита на природните реткости

Според постоечката систематизација на МЖСПП е составен од Одделението за заштита на природното наследство и Натура 2000, Одделение за биодиверзитет и генетски модифицирани организми и Одделение за уредување на просторот во заштитени подрачја и геодиверзитет

Секторот природа спроведува активности за заштита на природата преку:

• валоризација на природните вредности и ревалоризација на заштитени подрачја,
• прогласување на заштитени подрачја и природни реткости,
• мониторинг на состојбата со природата, односно мониторинг на живеалишта и видови од национално и Европско значење и мониторинг на објекти на геодиверзитетот
• идентификација на потенцијални подрачја на национално ниво за идната Европската еколошка мрежа Натура 2000
• изработка на Црвени листи за одделни таксономнски групи растенија, животни и габи
• воспоставување и развој на концептот за екосистемски услуги
• развој на концептот за решенија засновани на природата
• врши стручен надзор на спроведувањето на планови за управување со заштитените подрачја,

Во рамки на управна постапка Сектор природа ги спроведува следните активности:

• врши ажурирање на националната легислатива за заштита на природата (Закон за заштита на природа и подзакконски акти)
• издава согласност на планови за управување со заштитени подрачја и на годишни програми за заштита на природата на заштитените подрачја
• издава дозволи за научно истражување во природата
• издава дозволи за собирање на засегнати и заштитени диви видови растенија, габи и животни
• издава ЦИТЕС дозволи за регулирање на меѓународна трговија со загрозени диви растителни и животински видови, нивни делови и деривати.
• изготвува стручни мислења во постапка на донесување на планска документација за уредување на просторот во заштитени подрачја
• издава мислења  за податоци и инфорамции за проекти и активности во природата
• изготвува мислења за Владини седници по однос на закони, подзаконски акти и информации од други  државни институции