(03-09.11.2013) Во организација на на UNECE (Економска комисија за Европа на Обединетите нации) и UNSD (Секторот за статистика на Обединетите нации), во Женева, Швајцарија се одржa работен состанок за индикатори за животна средина и мониторинг како и работилницата за статистики во областа на отпадот.
![unece1](http://www.moepp.gov.mk/wp-content/uploads/2014/11/unece1.jpg)
На состанокот учествуваа претставници од ЕЕССА земјите, Македонија, Србија, Хрватска, Словенија, Австрија, Швајцарија, Европска агенција за животна средина и останати меѓународни тела.
Работната група за Индикатори за животната средина и мониторинг во голема мера беше посветена на Индикаторите за животна средина. Имено, се направи преглед и ревизија на упатствата за примена на индикаторите за животната средина, понатаму се изврши прво читање и запознавање на предвидените индикатори за транспорт и животна средина. Имаше дискусија за националните системи за известување во врска со основниот сет на индикатори за животна средина.
![unece](http://www.moepp.gov.mk/wp-content/uploads/2014/11/unece2.jpg)
На работилницата за статистики во областа на отпадот се дискутираше за најновите достигнувања во областа на статистиките на отпадот, како и разгледување на значајните проблеми, предизвици и прогресот направен во земјите од Југоисточна Европа, Кавказот и Централна Азија.
На состаноците како претставници од МИЦЖС присуствуваа Маргарета Цветковска, Советник за собирање, обработка, анализа и презентација на податоци за отпад и Катерина Николовска, Раководител на одделението за аналитика и известување, која имаше презентација за напредокот во областа на биолошката разновидност и прибирање и обработка на податоци за животна средина.