Сектор за просторно планирање

Со просторното планирање се обезбедува рамномерен просторен развој, рационално уредување и користење на просторот, услови за хумано живеење и работа на граѓаните, како и предвидување на мерки за заштита и унапредување на животната средина и природата, заштита од воени разурнувања, од природни и технолошки непогоди и др.

Просторното планирање претставува континуиран процес кој се реализира преку перманентно изработување и донесување на просторни планови, како и координирање на нивното спроведување, односно нивна имплементација.

Дејноста просторно планирање е дејност од јавен интерес, регулирана со:

• Законот за урбанистичко планирање;
• Законот за спроведување на Просторниот план на Република Македонија и
• Глава X од Законот за животна средина

Спроведувањето на овие закони е во надлежност на Министерството за животна средина и просторно планирање – Секторот за просторно планирање, кој е организиран во три одделенија:

• Одделение за планови и просторна политика
• Одделение за спроведување на просторни планови
• Одделение за стратешка оценка на влијанието врз животната средина

Обврски на Секторот кои произлегуваат од Закон:

• ја координира постапката за изработката на просторните планови;
• ја спроведува постапката за нивно донесување;
• ја следи нивната имплементацијата (преку изготвување на едногодишни Извештаи за спроведување на Планот);
• издава Услови за планирање на просторот (Решение за Услови за планирање на просторот);
• учествува во подготовка на законски и подзаконски акти;
• дава стручно мислење за усогласеност на плановите од понизок ред со Просторниот план на државата;
• изготвува проценка и двегодишна програма за спроведување на Просторниот план на Република Македонија;
  дава мислења од областа на просторното планирање;
• ги координира и спроведува политиките за спроведување на постапката за стратешка оцена на влијание врз животната средина;
• прави анализа и проценка на извештаите за стратешка оцена на влијание врз животната средина и издава Мислење по Извештај и Решение за спроведување на стратешка оцена на влијание врз животната средина;
• подготовува документи и предлог законски решенија, потребна стручна помош и стручни мислења од областа на стратешка оцена на влијание врз животната средина.