МК НИ 082 Изградба на нови живеалишта по региони

Бројот на завршени станови на 1000 жители, во разгледуваниот период, на ниво на Република Северна Македонија има променлив тренд на растење и опаѓање. Најголем број на станови 3,4 на 1000 жители, биле завршени во 2022 година, а најмал 2 на 1000 жители во 2020 година. Драстичниот пад од 33% во 2020 година во однос на претходната година најверојатно се должи на неизвесната економија во време на Ковид-19 пандемијата. Во 2023 бројот на станови е 3,1, што е за 8,7% понизок од претходната година.
Разгледувано на ниво на статистички региони, бројот на завршени станови на 1000 жители, во периодот од 2006 до 2023 година ни покажува дека најголем број станови на 1000 жители се завршени во Скопскиот регион и се движи помеѓу 2,4 во 2020 година и 5,7 во 2019 и во 2021 година. Со ова се гледа закрепнување од ковид-19 кризата и се забележува најголем раст од 133% во однос на 2020. Во 2023 година бројот на завшено станови во овој регион е зголемен во однос на 2026 година за 33%, додека во однос на претходната година е намален за 3,1%.
Генералниот пораст на завршени станови укажува дека во Скопскиот регион има најголем притисок врз животната средина во насока на ширење на населените места со што се предизвикува притисок врз транспортот, создавање отпад, зголемено загадување на воздухот, намалување на зелените површини генерално (јавни и приватни), зголемена изградба на објекти, зголемена бучава и други негативни влијанија врз животната средина. 
Разгледувано на ниво на статистички региони, во периодот од 2006 до 2022 година имаме постојан тренд каде најголем број станови на 1000 жители се завршени во Скопскиот регион .до 2020 година. Во оваа година падот се должи на COVID пандемијата. Во 2022 и 2023 година има намалување споредбено со 2021 година, што може да се должи на презаситеноста на пазарот и зголемената надворешна миграција.
Пораст на бројот на завршени станови на 1000 жители, 2023 година во однос на 2006 има во Вардарски регион од 82,9%, Источен регион 57,3%  и Југоисточниот Скопскиот регион од 112%. Во Полошкиот регион бројот на завршени станови на 1000 жители, во 2006 година е најголем во целата земја и изнесува 7,3 за во 2023 година да биде само 3,4 што во однос на 2006 година претставува значителен пад од 53%. Исто така, голем пад на бројот на завршени станови на 1000 жители во однос на 2006 има во Североисточен регион од исто 53%.
Ваквите големи падови на бројот на завршени станови може да се последица на зголемена миграција на населението во останатите региони во кои има значителен пораст, особено во Скопскиот регион или миграција во други држави. Исто така причина за падот може да биде во голем дел и од пандемијата предизивикана од Ковид-19 со која многу економски активности запреа или се доведоа на минимум. 
Уделот на завршени станови по статистички региони во вкупно завршените станови во земјата, покажува дека разгледувано по години, Скопскиот регион има тренд на покачување на уделот од 28,2% во 2006, до 43,1% во 2023 година, додека најголем удел во вкупниот број на завршени станови во земјата во сите региони е зебележан во овој регион во 2021 од 57,8%. После Скопскиот, следува Полошкиот регион со голем удел во вкупниот број на завршени станови, но во овој регион има тренд на опаѓање кој се движи од 35,1% во 2006 година, на 15% во 2021 година.
Најмал удел во вкупниот број на станови има Вардарскиот регион и се движи помеѓу 1,9% и 7,1%.