![Започнува изработката на Акциониот план за управување со кафеава мечка](/sites/default/files/alfa/news/240229-akcionen-plan-1.jpg)
Министерство за животната средина и просторно планирање денес одржа иницијална работилница за изработка на Акционен план за управување со кафеавата мечка за територијата на нашата држава. Работилницата имаше за цел да се споделат информации за процесот на подготовка на Акционен план за кафеавата мечка во Северна Македонија, но и да се слушнат ставовите на засегнатите страни уште во раната фаза на неговата изработка.
![1](/sites/default/files/alfa/news/240229-akcionen-plan-3.jpg)
![2](/sites/default/files/alfa/news/240229-akcionen-plan-5.jpg)
![3](/sites/default/files/alfa/news/240229-akcionen-plan-2.jpg)
![4](/sites/default/files/alfa/news/240229-akcionen-plan-4.jpg)
Земено предвид дека неодамна се соочивме со предизвици поврзани со симнувањето на мечките во населени места и вознемирување на локалното население, како неодложна се јави потребата од изработка на ваков Акционен план, а се искористи можноста оваа активност да се реаизира преку имплементацијата на ИПА 2 проектот „Зајакнување на капацитетите за Натура 2000 и ЦИТЕС“ во кој една од активностите е „Изработка на акциски планови за живеалишта и видови“.
На настанот присуствуваа претставници од Министерство за земјоделство, шумарство и водостопанство, Државниот инспекторат за животна средина, Факултетот за ветеринарство, ЈП Национални шуми, претставници од Националните паркови и заштитените подрачја, ловечки здруженија, невладини организации и други институции и организации од државата кои работат со оваа проблематика.