03.03.2015
![EEA1](http://www.moepp.gov.mk/wp-content/uploads/2015/03/EEA1.jpg)
Oд 17.02.2015 до 19.02.2015 година во Копенхаген, Данска, се одржa редовен работен состанок на Националните координатори за соработка со Еврoпската агенција за животна средина. Учесници од Министерството за Животна средина и просторно планирање беа Светлана Ѓорѓева, како Национален координатор и Ристо Јордановски, Асистент координатор за соработка со Европската агенција за животна средина.
Согласно дневниот ред, се одржа редовниот состанок на Координаторите од Западен Балкан заедно со претставниците од ЕЕА и беше дискутиран напредокот во соработката на ЕЕА со земјите од Западен Балкан, соработката со Европските тематски центри, како и планирањето за изработка на стратешки документи за техничка подготовка на земјите од Западен Балкан за идно членство во ЕЕА. [su_custom_gallery source="media: 4684,4685" link="image" title="never"]
Како дел од предвидените пленарни сесии беа опфатени работни активности во однос на предизвиците за имплементацијата на новата NRC структура (топик центри за воздух и климатски промени, вода, отпад, почва, земјина покривка), Иницијативата за иновации и унапредување на EIONET мрежата (E3I), за кои беше потребно активно учество и придонес во анализата и дискусијата. Република Македонија имаше учество во работната група за ревизија на Приоритетниот проток на податоци (Priority Data Flow) и потребно е да се следи развојот на активности и обврски кои ќе произлезат во рамки на оваа новоформирана работна група.
Дел од презентациите на пленарните седници беа поврзани со меѓународната стратегија на ЕЕА, приоритетите на UNEP по 2015 година и секако подготовката за промоција на SOER2015 – извештајот за состојбата и перспективата на животната средина во Еворпа, како клучен петгодишен извештај кој ќе биде промовиран во Европскиот Парламент на 3 Март 2015 година. Воедно ги презентиравме и нашите планови за презентација на Извештајот.