Одделението за јавни набавки е задолжена да го реализира и спроведува годишниот план за јавни набавки согласно Законот за јавните набавки.
Одделението за јавни набавки согласно Законот за јавните набавки ги спроведува јавните набавки со цел успешно остварување на целите на договорниот орган, утврдени во согласност со прописите кои го уредуваат користењето на буџетските и другите јавни средства.
Во соработка со останатите сектори на министерството дава насоки во изготвување на барањата за отпочнување на постапка за јавна набавка во кое се дефинираат барањата, условите, критериумите и други неопходни информации потребни за изготвување на тендерските документации.
Вработните лица во одделението и лицата за јавни набавки ја советуваат комисијата за јавна набавка при спроведување на постапките за доделување договор за јавна набавка; ги подготвуваат потребните акти врз основа на извештајот од спроведената постапка; изготвуваат договор за јавна набавка; даваат насоки и упатства на договорниот орган во врска со постапување во жалбената постапка во соработка со комисијата итн и вршат други работи согласно со Законот за јавните набавки.