Sektori i Ujit

Uji është jetë dhe mbijetesë, resurs i pazëvendësueshëm dhe i kufizuar dhe faktor për zhvillimin e gjithë shoqërisë

Karakreristikat e përgjithshme të ujërave në R. e Maqedonisë

Rreth 2% e territorit të Republikës së Maqedonisë janë nën sipërfaqen ujore. Ka rreth 35 lumenj dhe 53 liqene natyrore dhe artificiale. Sipas sasisë së resurseve ujore Maqedonia bën pjesë në zonën me resurse të mjaftueshme ujore, por me një shpërndarje jashtëzakonisht të pa barabartë.

Sipas ndarjes hidrografike, në Territorin e Republikës së Maqedonisë ekzistojnë katër pellgje edhe atë: i Vardarit, Drinit të Zi, i Strumicës dhe i Moravës së Jugut.

Korrniza normative për të drejtat e ujit në Republikën e Maqedonisë

Rregulla themelore ligjore me të cilën rregullohet sfera e ujërave është Ligji i Ujërave (“Gazeta Zyrtare e Republikës së Maqedonisë” nr. 87/08, 6/09, 161/09, 83/10, 51/11, 44/12, 23/13 dhe 163/13) dhe aktet nënligjore të miratuara në bazë të Ligjit për Ujëra. Ligji i Ujërave është ligji korrnizë i cili i rregullon parimet themelore të menaxhimit me resurset ujore.