U mbajt mbledhja e katërt e Komitetit Drejtues për projektin “Shërbime të qëndrueshme të Menaxhimit të Mbeturinave Komunale”

Lajme
Zëvendësministrja, Anne Lashkoska morri pjesë në takimin e katërt të Komitetit Drejtues për projektin “Shërbime të qëndrueshme për menaxhimin e mbeturinave komunale”, i cili zbatohet nga Asociacioni Suedez i Autoriteteve Lokale dhe Rajonale – SALAR dhe Ag
U mbajt mbledhja e katërt e Komitetit Drejtues për projektin “Shërbime të qëndrueshme të Menaxhimit të Mbeturinave Komunale”
02.04.2025

Zëvendësministrja e Mjedisit Jetësor dhe Planifikimit Hapësinor Anne Lashkoska morri pjesë në takimin e katërt të Komitetit Drejtues për projektin “Shërbime të qëndrueshme për menaxhimin e mbeturinave komunale”, i cili zbatohet nga Asociacioni Suedez i Autoriteteve Lokale dhe Rajonale – SALAR dhe Agjencia Suedeze për Zhvillim Ndërkombëtar (Sida).

Në takimin, ku morën pjesë përfaqësues nga Ministria e Mjedisit Jetësor dhe Planifikimit Hapësinor, kryetari i Komunës së Prilepit, Borçe Jovçeski, kryetari i komunës së Novacit, Stevço Stevkovski, drejtori ekzekutiv i Asociacionit të njësive të vetëqeverisjes lokale, BNJVL, Dushica Pershiq dhe sekretari shtetëror i Ministrisë së Vetëqeverisjes Lokale u organizua me qëllim të rishikimit të gjendjes dhe kapaciteteve të komunave të përfshira nga ky projekt, të prezantohen aktivitetet e realizuara dhe të përcaktohen hapat e ardhshme në ngritjen e një sistemi të integruar të menaxhimit të mbeturinave rajonale të vetë-qëndrueshme. 

Sipas zëvendësministres Lashkoska, hulumtimi i të gjitha burimeve në dispozicion për financimin e investimeve të shtrenjta në menaxhimin e mbeturinave mbetet një nga prioritetet kryesore të organeve më të larta qeveritare.

- Më lejoni të sqaroj se në asnjë moment nuk flitet për marrjen e kompetencave dhe autorizimeve të komunave, por thjesht për bashkim me pushtetin qendror për ta zgjidhur këtë problem të kahmotshëm në vendin tonë bashkë me pushtetin lokal - tha Lashkoska.

Ajo sqaroi se detyra kryesore e Ministrisë së Mjedisit Jetësor dhe Planifikimit Hapësinor është përmirësimi i ligjeve ekzistuese dhe harmonizimi i tyre me direktivat e reja të BE-së që rregullojnë këtë fushë, si dhe zbatimin e këtyre rregulloreve.

- Me rregulloren kombëtare do të mundësojmë ngritjen e një sistemi të vetëm funksional për rregullimin e detyrimeve që duhet të përmbushin të gjitha palët e interesuara. Për më tepër, zbatimi i suksesshëm i kësaj qasjeje rajonale për menaxhimin e mbeturinave do të shërbejë si shembull dhe nxitje për rajonet e tjera në vend që t'i tejkalojnë dyshimet e tyre dhe të fillojnë të besojnë se ky lloj i menaxhimit të mbeturinave është zgjidhja reale dhe aktualisht më e mirë - shtoi Lashkoska.
Galeria
Submitted by alfa4 on 02.04.2025 - 15:31