Lokaliteti Paleontologjik - Zmijovec me VENDIM të ministrit të Mjedisit Jetësor dhe Planifikimit Hapësinor Izet Mexhiti të publikuar në Gazetën Zyrtare të RMV-së. nr: 189/2024, datë 11.09.2024, është shpallur relikt natyror.
Lokaliteti paleontologjik Zmijovec gjendet në zonën e komunës së Negotinës dhe këtë kategorizim e ka marrë për shkak të faunës unike fosile që gjendet në afërsi të fshatit Dolni Disan, Negotinë. Disa nga speciet e gjetura në këtë zonë janë unike dhe nuk janë gjetur në asnjë nga vendet e tjera paleontologjike në vendin tonë.
Fragmentet fosile nga lokaliteti "Zmijovec" janë gjetur në shtresat sedimentare të argjilës dhe rërës ngjyrë kafe të verdhë dhe e kanë origjinën nga Mioceni i vonë.
Nga pikëpamja sistematike, të gjitha llojet e gjetura i përkasin klasës së gjitarëve placentë (Mammalia, Placentalia), në lokalitetin "Zmijovec" të cilët aktualisht përfaqësohen nga 6 radhë, 13 familje dhe 19 takson.
Realizimi i aktiviteteve dhe veprimeve në afërsi të drejtpërdrejt të lokalitetit paleontologjik - Zmijovec, komuna e Negotinës, si ndërtimi i shtigjeve hyrëse dhe rregullimi i zonave për pushim dhe relaksim, si dhe realizimi i aktiviteteve të tjera për rregullimin dhe shfrytëzimin e hapësirës së rrallësisë natyrore, duhet të sigurojë një shkallë të lartë të mbrojtjes së diversitetit biologjik dhe rajonal në drejtim të sigurimit të menaxhimit adekuat të rrallësisë natyrore.
