Zëvendësministrja e Mjedisit Jetësor dhe Planifikimit Hapësinor, Ana Lashkoska, mori pjesë në një takim me Shoqatën e Ofruesve të Shërbimeve Komunale – ADKOM, ku u diskutua për problemin e kërkesave të papaguara të ndërmarrjeve publike komunale ndaj institucioneve shtetërore.
Përfaqësuesit e ndërmarrjeve publike komunale e shprehën shqetësimin për mjetet e papaguara, të cilat i pengojnë ata të përmbushin detyrimet e tyre ndaj qytetarëve për sigurimin e ujit të pijshëm cilësor dhe një mjedis të shëndetshëm dhe të pastër.
Nga diskutimet e sotme doli nevoja për të formuar një grup punues, i cili do të shqyrtojë këtë problematikë dhe do të ndihmojë në tejkalimin e problemit të borxheve ndaj JKP-së.
Sipas zëvendësministrës Lashkoska, është e rëndësishme që të organizohen takime të tilla, pasi vetëm me komunikim dhe koordinim të ndërsjellë mund të arrihet një bashkëpunim i mirë për të siguruar një jetë cilësore për qytetarët dhe qëndrueshmërinë e shërbimeve publike.
