![Apel për publikun](/sites/default/files/alfa/img/moepp-panel.jpg)
Gjatë javës së kaluar, janë vërejtur dukuri që e tejkalojnë vlerën mesatare ditore të PM10 (50 μg / m3) në Qendër, Gazi Babë, Karposh, Rektorat, Gjorgje Petrov, Milladinovcë, Manastir 2, Koçani, Kumanovë, Strumicë dhe Tetovë, me një prirje të mëtejshme në rritje.
Duke pasur parasysh faktin se po ballafaqohemi me koncentrime të rritura të ndotjes së ajrit, dhe me qëllim të zbutjes së gjendjes, i apeloj qytetarët, brenda mundësive të tyre, t’i zbatojnë rekomandimet e mëposhtme:
- Automjetet e rënda t’ju shmangen lëvizjeve në zonën e qytetit,
- Të përdoret transporti publik në relacionet ku ka një linjë autobusi,
- Të shmanget përdorimi i panevojshëm i automjeteve pa pasur shumë nevojë, veçanërisht ato me standarde më të ulëta EURO,
- Kur sërish egziston nevoja, për të bërë më shumë përpjekje që më shum persona të voziten me një automjet,
- Familjet individuale të përdorin lëndë djegëse të pastra për ngrohje, d.m.th. të mos përdorin vaj të mbeturinave të djegura (vaj motorik, hidraulik dhe vaj të amvisërive), mbetje të llakuara ose me ngjyra, stiropor, paketim PET, copa gome dhe çdo material sintetik,
- Në mënyrë të duhur të përdoret druri i zjarrit për ngrohje,
- Të raportohen tek inspektoratet kompetente dhe shërbimet policore dyshimet për çdo veprimtari të paligjshme që kontribuon në përkeqësimin e cilësisë së ajrit
Njëherësh, theksojmë detyrimin që të gjitha A dhe B kapacitetet industriale t’ju përmbahen kushteve të përcaktuara në lejet e integruara ekologjike, dhe bëjmë apel që të gjithë inspektoratet shtetërore dhe ato vendore përkatëse të intensifikojnë kontrolle të jashtëzakonshme për të kontrolluar korrektësinë dhe funksionimin e filtrave të kapaciteteve industriale, ndërsa inspektorët e ndërtimeve të kryejnë inspektimin e zbatimit të protokollit të kontrollit të pluhurit të ndërtimtarisë, veçanërisht në rrugë edhe në ndërhyrjet tjera të mëdha të infrastrukturës.
Ministria edhe më tej do të avokojë për zbatimin e masave shtesë të cilat do të ballafaqohen me burimet e ndotjes, por ne ju bëjmë thirrje që të gjithë së bashku të kontribuojmë në kuadër të mundësive tona për një tejkalim sa më të shpejtë të situatës.
Sepse të gjithë jemi shkaktarë të ndotjes dhe vetëm së bashku mund ta gjejmë zgjidhjen .