Në bazë të nenit 6, pika 6.5 (d) të Marrëveshjes Financiare për Implementimin e Projektit (Përmirësimi i Infrastrukturës Ujore të Komunave në Maqedoninë e Veriut), Numri i Operacionit 2018-0837 i lidhur ndërmjet Republikës së Maqedonisë së Veriut dhe Bankës Evropiane për Investime, dhe në bazë të nenit 4 të Ligjit për Huamarrje të Republikës së Maqedonisë së Veriut me hua nga Banka Evropiane për Investime sipas marrëveshjes financiare për projektin për përmirësimin e infrastrukturës ujore të komunave në Maqedoninë e Veriut, “Gazeta Zyrtare e RMV-së” nr. 203/2022, ministri i Mjedisit Jetësor dhe Planifikimit Hapësinor miratoi
Thirrje publike
për shprehje interesi për shërbime konsulence për Projektin
“Përmirësimi i infrastrukturës ujore të komunave në Maqedoninë e Veriut”
Ministria e Mjedisit Jetësor dhe Planifikimit Hapësinor e ka filluar procedurën për punësimin e konsulentëve individualë për këto pozita:
1) Udhëheqës i Njësisë së Zbatimit të Projektit
2) Pesë anëtarë të Njësisë së Zbatimit të Projektit
Ministria e Mjedisit Jetësor dhe Planifikimit Hapësinor i fton të gjithë kandidatët e kualifikuar të shprehin interesin për ofrimin e shërbimeve konsulente.
Kandidatët e interesuar duhet të japin informacione që konfirmojnë se posedojnë kualifikimet e nevojshme dhe përvojën përkatëse të punës për kryerjen e detyrave.
Nëse mendoni se i përmbushni kualifikimet dhe përvojën e duhur, ju lutemi dorëzoni CV-në tuaj dhe Letrën e Interesit dhe dokumentet që konfirmojnë kualifikimet e kërkuara profesionale, me një tregues të qartë të pozitës për të cilën po aplikoni, në adresën e Ministrisë së Mjedisit Jetësor dhe Planifikimit Hapësinor; Sheshi “Presveta Bogorodica” nr. 3, 1000 Shkup dhe në adresën elektronike: l.zajkov@moepp.gov.mk.
Afati për dorëzimin e dokumentacionit të kërkuar është tre ditë nga data e publikimit të shpalljes në gazetën ditore. Aplikimet dhe dokumentacioni i vonuar dhe i pakompletuar nuk do të merren parasysh.
Pas përzgjedhjes së kandidatëve për pozitat e listuara, kandidatët e përzgjedhur do të ftohen shtesë për intervistë në ambientet e Ministrisë së Mjedisit Jetësor dhe Planifikimit Hapësinor, pas së cilës do të bëhet përzgjedhja përfundimtare.
Kohëzgjatja e angazhimit të anëtarëve të Njësisë së Projektit do të jetë deri në përfundimin e projektit.
Përshkrimi i detajuar i punës dhe kushtet e punës për pozitat për të cilat është publikuar ky konkurs mund të gjenden më poshtë në Thirrjen Publike.
Kualifikimet profesionale dhe kushtet për nominimin dhe emërimin e udhëheqësit dhe anëtarëve të Njësisë së Projektit
Udhëheqës i Njësisë së Zbatimit të Projektit 1 (një) ekzekutues
të jetë shtetas i Republikës së Maqedonisë
Të ketë të përfunduar arsimin e lartë, me të paktën 240 kredite ECTS ose të përfunduar diplomën VII/1 në fushën e inxhinierisë dhe teknologjisë,
Përvojë minimale në 3 projekte ndërkombëtare ose projekte vendase për menaxhimin e ujërave të zeza dhe furnizimin me ujë. Të paktën një pozicion udhëheqës në menaxhimin e ujërave të zeza dhe/ose projektet e furnizimit me ujë ose projekte të ngjashme do të konsiderohen si avantazh;
Të ketë të paktën 6 vjet përvojë pune në profesion, nga të cilat 2 vjet përvojë pune në pozicionin udhëheqës;
Dëshmi për njohjen e gjuhës angleze;
Dëshmi për njohjen e programeve të zyrës.
Të mos jetë i ndëshkuar për ndalimin e kryerjes së veprimtarisë ose profesionit.
Sipas mundësisë të ketë njohje të mirë e kontratave FIDIC;
Paga neto 60.000,00 denarë
Inxhinierët e ujësjellësit – anëtarë të PEI 2 (dy) ekzekutues
të jetë shtetas i Republikës së Maqedonisë
Të ketë të përfunduar arsimin e lartë, me të paktën 240 kredite ECTS ose të përfunduar diplomën VII/1 inxhinieri dhe teknologji;
Të kenë të paktën 3 vite përvojë pune në profesion;
Dëshmi për njohjen e gjuhës angleze;
Dëshmi për njohjen e programeve të punës në zyrë.
Të mos jetë i ndëshkuar për ndalimin e kryerjes së veprimtarisë ose profesionit.
Paga neto 55.000,00 denarë
Inxhinierët e ujërave të zeza – anëtarë të PEI 1 (një) ekzekutues
të jetë shtetas i Republikës së Maqedonisë
Të ketë të përfunduar arsimin e lartë, me të paktën 240 kredite ECTS ose të përfunduar diplomën VII/1 inxhinieri dhe teknologji;
Të kenë të paktën 3 vite përvojë pune në profesion;
Dëshmi për njohjen e gjuhës angleze;
Dëshmi për njohjen e programeve të punës në zyrë
Të mos jetë i ndëshkuar për ndalimin e kryerjes së veprimtarisë ose profesionit.
Paga neto 55.000,00 denarë
Specialist për pagesat dhe zbatimin e furnizimit publik - anëtar i PEI 1 (një) ekzekutues
të jetë shtetas i Republikës së Maqedonisë
Të ketë të përfunduar arsimin e lartë, me së paku 240 kredite ECTS ose të përfunduar VII/1 për drejtësi, ekonomi
Dëshmi për njohjen e gjuhës angleze;
Dëshmi për njohjen e programeve të zyrës.
Të mos jetë i ndëshkuar për ndalimin e kryerjes së veprimtarisë ose profesionit
Të paktën 3 vjet përvojë pune në fushën e përgatitjes së kontratave publike dhe furnizimeve, si dhe në pagesat sipas kontratave
Dëshmi të zbatimit të procedurave të furnizimit publik në organet kontraktore/organet e administratës shtetërore dhe pagesa e tyre do të konsiderohet si avantazh
Certifikatë e vlefshme për një person për furnizim public
Përvojë në projekte vendase apo ndërkombëtare
Paga neto 55.000,00 denarë
Specialist i Furnizimeve Publike – anëtar i NJZP 1 (një) ekzekutues
të jetë shtetas i Republikës së Maqedonisë
Të ketë të përfunduar arsimin e lartë, me të paktën 240 kredite ECTS ose të përfunduar VII/1 për shkencat ekonomike, juridike
Së paku 3 vjet përvojë pune në fushën e kontratave publike dhe furnizimit,
Vërtetim për posedimin e licencës për dhënien e provimit nga Byroja e Furnizimit Publik;
Njohuri të rregullave të furnizimit të IFI dhe kushteve të FIDIC;
Dëshmi për njohjen e gjuhës angleze;
Dëshmi për njohjen e programeve të zyrës
Të mos jetë i ndëshkuar për ndalimin e kryerjes së veprimtarisë ose profesionit Paga neto 55.000,00 denarë
Detyrat e Përgjegjësit të Njësisë së Projektit
Udhëheqësi udhëheq me Njësinë e Zbatimit të Projektit (në tekstin e mëtejmë: NJZP) duke organizuar, planifikuar, drejtuar dhe koordinuar aktivitetet e NJZP-së, në të njëjtën kohë duke propozuar politika për çështjet brenda fushës së punës së NJZP dhe jep iniciativa për zgjidhjen e çështjeve dhe problemeve individuale, aktivisht bashkëpunon me institucionet financiare dhe konsulentët e përfshirë në zbatimin e projektit.
Udhëheqëësi është përgjegjës për koordinimin dhe funksionimin me sukses të NJZP-së, nëpërmjet përmbushjes në kohë dhe të plotë të detyrave të tij.
Udhëheqësi është përgjegjës për përmbushjen e detyrave të NJZP-së që rrjedhin nga marrëveshjet e nënshkruara në lidhje me zbatimin e Projektit.
Udhëheqësi kontrollon, mbikëqyr dhe vlerëson punën dhe detyrat e kryera nga NJZP dhe raporton për punën e tij.
Udhëheqësi siguron shpërndarjen e përgjegjësive dhe detyrave tek anëtarët e tjerë të NJZP-së, në përputhje me kompetencën e tyre specifike.
Merr pjesë në takime të rregullta për të monitoruar ecurinë e zbatimit të projektit dhe, nëse është e nevojshme, përgatit një raport për të.
Udhëheqësi është përgjegjës për përgatitjen e raporteve mujore, tremujore, vjetore dhe përfundimtare në lidhje me punën e NJZP-së, si dhe materialeve dhe informacioneve të tjera nga fushëveprimi i tij.
Udhëheqësi raporton çdo parregullsi në zbatimin e projektit.
Udhëheqësi e siguron të gjithë informacionin e nevojshëm në lidhje me punën e NJZP për kryerjen e auditimeve të brendshme dhe të jashtme të zbatimit të projektit,
Udhëheqësi do të kryejë edhe detyra të tjera që i janë besuar NJZP-së në përputhje me marrëveshjet e nënshkruara në lidhje me zbatimin e projektit.
Udhëheqësi në punën e tij i respekton kërkesat për etikë dhe integritet në vendin e punës.
Udhëheqësi i NJZP përgjigjet para Ekipit të Projektit NJZP (një ekip i të punësuarëve nga Ministria e Mjedisit Jetësor dhe Planifikimit Hapësinor i krijuar me Vendim të Ministrit të Mjedisit Jetësor dhe Planifikimit Hapësinor).
Detyrat e anëtarëve të Njësisë së Projektit
Anëtarët e NJZP-së ndihmojnë Udhëheqësin e NJZP-së në zbatimin e aktiviteteve brenda fushës së punës së tyre dhe i ofrojnë mbështetje Udhëheqësit në përgatitjen e raporteve mujore, tremujore dhe vjetore për ecurinë e zbatimit të projektit dhe raportin përfundimtar për zbatimin e projektit.
Anëtarët e NJZP-së janë përgjegjës për informimin në kohë të Koordinatorit, me qëllim përmbushjen e plotë të aktiviteteve që lidhen me përgatitjen dhe zbatimin e Projektit.
Anëtarët e NJZP-së do të bashkëpunojnë me institucionet financiare, konsulentët dhe do të punojnë në zbatimin e procedurave të tenderit, lidhjen dhe zbatimin e kontratës me kontraktorin.
Anëtarët e NJZP-së marrin pjesë në takimet e rregullta të monitorimit të projektit sipas nevojës dhe përgatisin shënime të shkurtra pas tyre, si dhe organizojnë një vizitë në vendndodhjen e projektit sipas nevojës.
Anëtarët e NJZP-së përgjigjen para Udhëheqësit të NJZP-së për kryerjen në kohë dhe cilësore të punës së tyre në kuadër të autorizimeve dhe përgjegjësive të tyre.
Anëtarët e NJZP-së kryejnë edhe detyra të tjera të ngarkuara nga Udhëheqësi i NJZP-së, në përputhje me marrëveshjet e nënshkruara në lidhje me zbatimin e Projektit.
Anëtarët e NJZP-së respektojnë kërkesat për etikë dhe integritet në vendin e punës në punën e tyre.
Anëtarët e NJZP-së kujdesen për të gjithë dokumentacionin që lidhet me zbatimin e projektit në përputhje me rregullat e përcaktuara.
Anëtarët e NJZP-së mbledhin, organizojnë, regjistrojnë dhe arkivojnë dokumentet dhe të dhënat që lidhen me projektin.
Anëtarët e NJZP-së përgjigjen Udhëheqësit të NJZP-së.