Shkup, 15.02.2025 Ministria e Mjedisit Jetësor dhe Planifikimit Hapësinor informon se në Gazetën Zyrtare nr. 29 nga 11 shkurti dhe nr. 30 nga 12 shkurti 2025, janë publikuar programet vjetore: Programi për investime në mjedisin jetësor për vitin 2025, Programi për menaxhimin e ujërave për vitin 2025, Programi për mbrojtjen e natyrës për vitin 2025 dhe Programi Vjetor për financimin e menaxhimit të mbeturinave të posaçme për vitin 2025, të cilat, sipas propozimit të MMJPH, Qeveria e Republikës së Maqedonisë së Veriut i miratoi në seancën e 47-të të Qeverisë.
ME PROGRAMIN PËR INVESTIME NË MJEDISIN JETËSOR PËR VITIN 2025 përcaktohen qëllimet dhe ndahen mjete për financimin, kofinancimin dhe realizimin e programeve, projekteve dhe aktiviteteve të tjera nga fusha e mjedisit jetësor për vitin 2025. Mjetet për realizimin e këtij programi sigurohen nga kompenzimet të cilat janë përcaktuar në nenin 162 të Ligjit për Mjedisin Jetësor dhe janë parashikuar në Buxhetin e Republikës së Maqedonisë së Veriut për vitin 2025, në një shumë totale prej 871.128.000,00 denarë.
Mjetet janë destinuar për aktivitetet e mëposhtme: Mbështetje për masa dhe aktivitete për realizimin e trajnimeve për mbrojtjen dhe përmirësimin e mjedisit jetësor, Mbështetje për masa dhe aktivitete për menaxhimin dhe mbrojtjen e ujërave në Republikën e Maqedonisë së Veriut, Mbështetje për masa dhe aktivitete për mbrojtjen e cilësisë së ajrit, Mbështetje për masa dhe aktivitete për trajtimin e ujërave të ndotura dhe Mbështetje për masa dhe aktivitete për mbrojtjen dhe përmirësimin e mjedisit jetësor.
ME PROGRAMIN PËR MENAXHIMIN E UJËRAVE PËR VITIN 2025 përcaktohen mjetet për realizimin e punëve në përputhje me nenin 212 të Ligjit për Ujërat, dhe ato janë për: menaxhimin dhe zhvillimin e burimeve ujore dhe kompensimin e shpenzimeve për funksionimin e organeve të administratës shtetërore dhe organeve dhe organizatave që kanë kompetenca të përshtatshme në menaxhimin e ujërave, ndërtimin e objekteve të reja dhe mirëmbajtjen dhe përmirësimin e objekteve ekzistuese të furnizimit me ujë publik, ndërtimin e objekteve të reja dhe mirëmbajtjen dhe përmirësimin e sistemeve ekzistuese hidrosisteme dhe sisteme hidromeliorative, mirëmbajtjen dhe mbrojtjen e liqeneve natyrore, mirëmbajtjen e lumenjve, ndërtimin dhe mirëmbajtjen e objekteve për rregullimin e rrjedhave ujore, mbrojtjen nga ndikimet e dëmshme të ujërave (erozion dhe përmbytjet) jashtë vendbanimeve, përgatitjen e planeve për mbrojtje nga përmbytjet dhe ngrica, planeve për mbrojtje nga erozioni dhe përmbytjet, përgatitjen e planeve të përshtatshme për mbrojtje nga ndikime të tjera të dëmshme të ujërave jashtë vendbanimeve, kontrollin e kushteve dhe mbledhjen dhe përpunimin e të dhënave për rezerva uji dhe përdorimin e tyre racional, hulumtime hidrogjeologjike dhe të tjera, përgatitjen dhe organizimin e zbatimit të programit për masa mbrojtjeje të ujërave nga ndotja, monitorimin dhe përcaktimin e gjendjes së sasive dhe cilësisë së ujërave dhe monitorimin e sigurisë së ujit për konsum nga njeriu, krijimin dhe mirëmbajtjen e zonave mbrojtëse dhe ndërtimin dhe mirëmbajtjen e objekteve për mbrojtjen e ujërave nga ndotja.
Për realizimin e këtij programi, nga Buxheti i Republikës së Maqedonisë së Veriut për vitin 2025, janë siguruar mjete në shumën prej 31.735.000,00 denarë.]
ME PROGRAMIN PËR MBROJTJEN E NATYRËS PËR VITIN 2025 përcaktohen aktivitetet që do të realizohen në vitin 2025 për përmirësimin e mbrojtjes së natyrës në Republikën e Maqedonisë së Veriut përmes implementimit të qëllimeve të përcaktuara në Strategjinë Kombëtare për Mbrojtjen e Natyrës me Planin e Veprimit (2017-2027). Mjetet nga ky program, me një shumë totale prej 77.510.000 denarë, do të sigurohen nga buxheti i Republikës së Maqedonisë së Veriut për vitin 2025 dhe nga fondet e donatorëve nga projekti aktual shumëvjeçar "Mbështetje për anëtarësimin e Maqedonisë së Veriut në BE në fushën e mjedisit – Faza 2" të Ministrisë së Mjedisit Jetësor dhe Planifikimit Hapësinor në bashkëpunim me Agjencinë Suedeze për Mjedisin, në shumën prej 30.750.000 denarë.
Me PROGRAMIN VJETOR PËR FINANCIMIN E MENAXHIMIT TË MBETJEVE TË POSAÇME PËR VITIN 2025 përcaktohen qëllimet dhe ndahen mjete për financimin e aktiviteteve që do të kontribuojnë në arritjen e qëllimeve kombëtare për mbeturinat e posaçme për vitin 2025. Mjetet për realizimin e këtij programi, në një shumë totale prej 131 milion denarë, janë parashikuar në Buxhetin e Republikës së Maqedonisë së Veriut për vitin 2025.