Ministrja e Mjedisit Jetësor dhe Planifikimit Hapësinor Kaja Shukova ka zhvilluar një takim pune me kryetarët e Qendrave për Zhvillim të Rajoneve Planore në vend. Qëllimi i takimit ishte intensifikimi i komunikimit dhe bashkëpunimit me qendrat, si një lidhje e rëndësishme midis pushtetit qendror dhe vetëqeverisjeve lokale.
Ќе се зголеми улогата на центрите за развој на планските региони во реализација на проектите за управување со водите и со отпадот
Ministrja Shukova informoi për aktivitetet që priten në realizimin e dy fushave prioritare: menaxhimi i mbeturinave dhe furnizimi me ujë, bartja e ujërave të zeza dhe pastrimi i tyre, veçanërisht me fillimin e zbatimit të dy linjave kreditore me të cilat është ngarkuar shteti, të cilat janë të destinuara pikërisht për sigurimin e këtyre shërbimeve bazë për qytetarët.
“Sigurimi i financave dhe zbatimi i sistemeve për menaxhim të qëndrueshëm të ujërave dhe mbeturinave nuk do të thotë një proces i përfunduar. Menaxhimi i tyre u mbetet komunave. Ata duhet të jenë të gatshëm në kohën e duhur për të marrë dhe zbatuar obligimet e tyre, për të cilat presim mbështetje nga qendrat rajonale”, tha Shukova.
