Në takimin e katërt të Komitetit të Përbashkët Drejtues për Zbatimin e Kornizës së Bashkëpunimit për Zhvillim të Qëndrueshëm të Kombeve të Bashkuara për periudhën 2021-2025, u prezantuan rezultatet e zbatimit të Kornizës në vitin 2023, së bashku me planin e përbashkët të punës për vitin 2024, dhe u diskutuan hapat e ardhshëm për përgatitjen e Kornizës së re të Bashkëpunimit për Zhvillim të Qëndrueshëm 2026-2030.
Zëvendësministrja e Mjedisit Jetësor dhe Planifikimit Hapësinor, Hristina Oxhaklieska, theksoi se ndërtimi i komuniteteve rezistente ndaj klimës duke siguruar rritje dhe zhvillim me emetim të ulët të karbonit duhet të jetë prioritet i politikës globale dhe në periudhën e ardhshme, pritet kontributi i organeve të OKB-së në drejtim të mbrojtjes së mediumeve në fushën e një mjedisi të shëndetshëm.
- Kjo gjë do të realizohet përmes mbështetjes së politikave, ngritjes së kapaciteteve dhe aktiviteteve të komunitetit për zhvillim me emetime të ulëta dhe rezistencë shumë-sektoriale ndaj ndryshimeve klimatike, menaxhim të qëndrueshëm dhe gjithëpërfshirës të burimeve natyrore, parandalim dhe reagim ndaj kërcënimeve të ndotjes së ajrit, reduktim efektiv të rrezikut nga fatkeqësitë, reduktimin dhe menaxhimin efikas të mbeturinave dhe zvogëlimin e ndikimit të praktikave të paqëndrueshme bujqësore në zonat ujëmbledhëse, theksoi Oxhaklieska në fjalimin e saj.
Sipas saj, përmbushja e kërkesave globale klimatike paraqet një sfidë të rëndësishme për vendet që synojnë të bëhen pjesë e familjes evropiane, dhe rrjedhimisht investimet në infrastrukturë, krijimi i lidhjeve të nivelit të lartë politik, stimulimi i shkëmbimit të të rinjve, si dhe zhvillimi i zgjidhjeve të integruara dhe qasje sistematike për të ndihmuar vendet në zhvillim.
Në takim, fjalën hapëse e kishte Koordinatorja e Përhershme e OKB-së në Republikën e Maqedonisë së Veriut, Rossana Dudziak.