Ministrja e Mjedisit Jetësor dhe Planifikimit Hapësinor Kaja Shukova, ka mbajtur një takim pune me përfaqësuesit e Birarisë së Shkupi të udhëhequr nga drejtori i përgjithshëm në largim Goran Slladiq dhe pasardhësi i tij Dushan Mitrev, në të cilin biseduan për bashkëpunimin e mirë të ndërsjellë të deritanishëm, veçanërisht në fushën e arritjes së qëllimeve afatgjata të zbatimit në platformat e kompanisë përgjegjëse shoqërore për reduktimin e mbeturinave, mbrojtjen e mjedisit dhe veprimin e klimës – Një botë pa mbeturina dhe zero emetime CO2 deri në vitin 2040.
“Mjedisi, veçanërisht për trajtimin e mbeturinave, kërkon partneritete të gjera dhe të forta në të gjitha nivelet, por edhe zhvillim të vetëdijes publike dhe përgjegjësisë sociale”, theksoi ministrja Shukova në takim dhe paralajmëroi aktivitete për ndërtimin e partneriteteve dhe bashkëpunimit si me komunat ashtu edhe me shoqatat. : ADKOM, BNJVL, Qendrat për zhvillim të rajoneve planore, me kompanitë përgjegjëse shoqërore si Biraria, përpunuesit kolektivë të mbeturinave, shoqatat e qytetarëve dhe publikun e gjerë. Sipas saj, aktivitetet duhet të harmonizohen dhe drejtohen në mënyrë të koordinuar drejt arritjes së qëllimit të përbashkët – zvogëlimit të sasisë së mbeturinave që do të deponohen.
Pas takimit, ministrja Shukova, së bashku me dy drejtorët Slladiq dhe Mitrev, shkuan në manifestimin në të cilin u promovua inovacioni më i ri – vendosja e kapakëve në paketimin PET të pijeve joalkoolike në portofolin e kompanisë “Biraria e Shkupit” dhe mënjanimi i ambalazheve të tilla në makinin për grumbullimin e shisheve dhe kanaçeve plastike të Pakomak-ut të vendosur në dyqanin “Tinex”.