Ju njoftojmë se MMJPH, e përfaqësuar nga ministrja Kaja Shukova, do t’i afrohet nënshkrimit të Marrëveshjes për pjesëmarrje në Programin e Unionit “Jeta” (LIFE) për mbrojtjen e mjedisit dhe aktivitetet klimatike, ndërmjet Bashkimit Evropian dhe Maqedonisë së Veriut. E njëjta gjë u vendos në seancën e 149-të të Qeverisë të mbajtur më 25 prill 2023.
Për herë të parë, Republika e Maqedonisë së Veriut, me nënshkrimin e Marrëveshjes për pjesëmarrje në Programin LIFE, do të sigurojë hapjen e mundësive të reja për aplikim për projekte që do të përmirësojnë mjedisin tonë dhe do të kontribuojnë në luftën kundër ndryshimeve klimatike. Marrëveshja për pjesëmarrjen e vendit tonë në Programin e Unionit “Jeta” (LIFE) për mbrojtjen e mjedisit dhe aktiviteteve klimatike do të nënshkruhet gjatë vitit 2023, me një hark kohor nga viti 2023 deri në vitin 2027. Për pjesëmarrjen në program në harkun kohor të caktuar, MMJPH do të japë kontributin e duhur financiar për shfrytëzimin e këtij programi për çdo vit.
Programi i Unionit “Jeta” (LIFE) mbështet projekte në fushat e mëposhtme: Natyra dhe biodiversiteti, Ekonomia rrethore dhe cilësia e jetës, zbutja dhe përshtatja ndaj ndryshimeve klimatike, kalimi në energji të pastër. Informacion më të detajuar për të gjitha fushat mund të gjeni në faqen e internetit për Programin e Unionit “Jeta” LINK ose në rrjetin social facebookLINK
Komisioni Evropian, në përputhje me Programin e tij Shumëvjeçar të Punës për Programin “Jeta” (LIFE) 2021-2024, publikon thirrje për aplikime për projekte që duhen ndjekur në përputhje me rrethanat në faqen e tyre të internetit LINK.
Aplikantët që do të aplikojnë në thirrjet për Programin e Unionit “Jeta” (LIFE) në vitin 2023 do të vlerësohen kryesisht nga vlerësues të pavarur të BE-së. Aplikantët e përzgjedhur do të mund të lidhin një kontratë projekti. Sipas udhëzimeve të Komisionit Evora, të gjithë ata që kanë aplikuar para vitit 2023 dhe janë vlerësuar pozitivisht, nuk do të mund të lidhin një marrëveshje granti sepse programi do të hyjë në fuqi nga viti 2023. Ata inkurajohen të aplikojnë sërish në thirrjet e Programit LIFE.
Ju njoftojmë se MMJPH së shpejti do të organizojë Info ditët ku do të shpjegohet në detaje i gjithë procesi i aplikimit për Programin e Unionit “Jeta” (LIFE).