Me ceremoni të veçantë me rastin e 18 gushtit, Ditës së Ushtrisë së Republikës së Maqedonisë së Veriut, sot në kazermën “Ilinden” në Shkup u shënua 31 vjetori i themelimit të saj.
Ministrja e Mjedisit Jetësor dhe Planifikimit Hapësinor Kaja Shukova, në përbërje të delegacionit qeveritar, mori pjesë në manifestimin në të cilin të gjithë oficerët e avancuar u graduan në gradën e nënkolonelit dhe të gjithë oficerët e mbrojtjes dhe pjesëtarët e ushtrisë të shpërblyer dhe lavdëruar, si dhe u prezantuan mjetet e lehta të blinduara dhe mjete të tjera moderne të cilat janë në dispozicion të Ushtrisë.
Gjatë ceremonisë, përveç ministres së Mbrojtjes Slavjanka Petrovska, fjalim mbajtën edhe kryetari i Qeverisë së RMV-së, Dimitar Kovaçevski dhe kryetari i shtetit dhe komandanti suprem i Forcave të Armatosura, Stevo Pendarovski, gjithashtu në këtë ngjarje morën pjesë edhe përfaqësues të trupit diplomatik të akredituar në vendin tonë dhe shumë të ftuar të tjerë.
