Министерката за животна средина и просторно планирање, Каја Шукова и министерот Љупчо Николов остварија работен состанок со претседателот на Асоцијацијата на биогасни централи, Никола Дереванов, претставниците на ИМЕ проектот на Швајцарска амбасада и претставниците од Стопанската комора на Македонија, кои се интересираа за законските обврски за управување со индустрискиот органски отпад во државата.
Министерката Шукова информираше дека тоа прашaње е јасно регулирано во законската регулатива и дека обврска на индустријата е да управува соодветно со индустрискиот отпад.
При тоа, претставниците на Асоцијацијата ги претставија своите размислувања како за ваков тип на отпад, што во моментов е сериозна закана за животната средина,бидејќи не се управува согласно законот, може да биде корисна суровина со голем потенцијал за добивање на енергија.
Од таа причина неговото искористување претставува исклучителна можности за повеќекратен бенефит за сите засегнати страни, а воедно се намалуваат и емисиите на стакленички гасови со што се влијае на намалување на климатски промени.
